Entri Hangat Pantang DICABAR: Bah Lakas, Bekurapak Dulu Kita..

Hetla. ketungkalan ku membaca ENTRI si GENK tadi pasal biodatanya.. rupanya kana cabar.. hahaha.. luan eh c genk bekurapak brunei dalam entrinya.. dangki ku tarus.. hahaha

ani ku minjam dari c GENK..

anu, miani bha tu ceritanya.. mun kamu kan mambaca, kamu takan saja ANI.. jan kamu takan lain, inda kaluar tu karang blog si genk..
sabanarnya, bukan ku sangaja mbuat entri miani.. tau ku kamu inda merati.. tapi aku ani kan mambuat ekspiriman, pasal nya c KAWAN atu, buat entri bahasa sabah.. mun ku hari hari membuat camani, mau kamu membaca blog ku ani lai?? hahaha
bagi pandapat ku la kan, bulih bha kita cintakan nagari ani.. tampat lahir, siapa kan inda cinta.. palui tu! babal banar indakan cinta tampat lahir sandiri.. ku acut karang! hahahatapi blog ani SATU MALAYSIA membaca tangahnya, mun kita menulis miani, paling2, kita saja membaca.. pasal mana kian ada urang tatua beblog.. abis ia nganya merati kurapak ku ani kan.. mun patua ku membaca, melakik jua ia tetawa, tapi mun BEN ASHAARI membaca, keluar jua aing matanya inda ia tau apa ku tutakkan ani.. inda ja?
jadi miani tah tangahnya, walaupun kami nih blogger sabah, walaupun entri kami kurapak KIHIL, inda bamakna kami LUPA DARATAN.. mun urang betanya, ku padahkan jua ku urang sabah, urang mambakut, anak brunei.. bangga ku paci abis brunei ani lawa lawa bha.. haha.. 
cuma, mimbah(member) ku ani kebanyakannya urang MELAYU SEMENANJUNG.. ada pun barunai, c etong nganya inggil inggil yang selalu membaca kemari.. jadi yang lain lain atu, anu kebanyakannya dari senanjung atu mana tia kan merati mun kami bekurapak brunei.. kan genk?
ani bukan entri mengumpat atau menyindir tangah.. cuma entri pandapat.. banar inda ja apa ku tutakkan ani? kalau ku buat kutak undian, berapa urang merati entri ku ani, kali 2 urang tah seja paling ramai.. mun ada 3 urang, Alhamdulillah ta jua.. sukur sukur..
jadi ku arap, mun lapas ani kita tebaca blog anak sabah bekurapak kihil, kita buka tah minda kita atu.. be supportive nya bliau bliau ar tangah.. hihihi.. abis yang membaca blog ani SATU MALAYSIA, BUKAN SATU SABAH.. hehehe.. bha, atu tah saja..  mun kita indada dangan bekurapak, aga seja kemari.. haha..macam jua kedikita.. aku pun membari pis jua.. ^_^V jan kita marah ar.. karang lakas tua.. inda insum.. hehehe
nota cumils: berapa orang yang tak paham sila mengaku sekarang! hahaha

---

❤..Senang hati tak?? like yea!..(◕‿◕✿)❤

---